اُها ڪڪڙِ ئي مري ويئي، جيڪا سونا آنا ڏيندي هئي

هيءُ پهاڪو هڪ مشهور آکاڻيءَ جي حوالي سان ٺهيل آهي. آکاڻيءَ موجب هڪ ٻُڍي مائيءَ وٽ هڪ ڪُڪِڙ هوندي هئي، جيڪا کيس روزانو هڪ سونو آنو ڏيندي هئي. هڪ ڏينهن مائيءَ جي من ۾ لالچ پيدا ٿي ته مان ڪڪڙِ کي ڪهي سڀ آنا هڪ ئي ڏينهن ۾ هٿ ڪيان. پوءِ مائيءَ ڪاتي کڻي ڪُڪڙِ کي ڪُٺو ته منجهانئس کيس هڪ به آنو نه مليو. پوءِ پنهنجي ان عمل تي مائيءَ گهڻو ئي پڇتايو، پر هاڻي ورڻو ڪجهه ڪو نه هو، ڇو جو ڪڪڙ مري چُڪي هئي. تڏهن ئي ته چوندا آهن ته اُها ڪڪڙِ ئي مري ويئي، جيڪا سونا آنا ڏيندي هئي.